Нарын районундагы «Орток» органикалык аймагында үстүбүздөгү жылдын жазгы талаа иштерине байланыштуу иш-чаралар өткөрүлүп жатат.
Алардын бири – «Дордой дары» компаниясы менен биргеликте БУУнун дүйнөлүк азык түлүк фондунун аярлуу катмардагы фермерлер үчүн жыйыны болуп өттү.
«Дордой дары» ишканасынын жетекчиси Дамира Кампабекова дары-чөптөрдү үй шартында (короодо) өстүрүү
жакшы киреше болуп берээрин, андан түшкөн акча-каражат жер-жемишти айдап сатканга караганда бир топ
пайдалуу экенин мисалдарды келтирип айтып берди.
“Дары-чөп өстүрүүнүн ден-соолука да пайдасы көп себеби ал тынбай кыймыл-аракетти талап кылат, экинчиден, жер отогон учурда чөптөрдүн эфирдик майларды бөлүп чыгуусу дыйкандын дем алуу органдары аркылуу организмин чыңдайт. Бул жылы жалбыз, мышык тамыры жана тенге гүлүнөн тышкары ромашка дүңүнөн сатылып алынат деди”, – Кампабекова.
Долбоордун негизги максаты – калктын аярлуу катмарын кошумча киреше табууга үйрөтүү. Бул тууралуу БУУнун дүйнөлүк азык түлүк фондунун өкүлдөрү кеңири баяндама жасады. Эгерде жогорудагы долбоор ишке аша турган болсо төрт тараптуу келишим түзүлө тургандыгын айтты.